چنائي ( ويب ڊيسڪ ) آءِ سي سي مينز ون ڊي ورلڊ ڪپ جي 16 هين ميچ ۾ نيوزيلينڊ، افغانستان کي 149 رنسن تان هارائي ڇڏيو.
نيوزيلينڊ جي 289 رنسن جي جواب ۾ افغانستان جي پوري ٽيم 35 هين اوور ۾ 139 رنسن تي ڍير ٿي وئي.
New Zealand continue their unbeaten run in #CWC23 with yet another emphatic win in Chennai 👊#NZvAFG 📝: https://t.co/R2WCgfr1UR pic.twitter.com/GTsrXdBYh3
— ICC (@ICC) October 18, 2023
افغانستان طرفان رحمت شاهه 36 رنسون ٺاهي ٽاپ اسڪورر رهيو جڏهن ته عظمت الله عمر زئي 27، اڪرم الخيل 18 رنسون ٺاهيون.
نيوزيلينڊ جي ليوڪي فرگوسن ۽ مچل سينٽنر شاندار بالنگ جو مظاهرو ڪندي 3،3 وڪيٽون حاصل ڪيون، ٽرينٽ بولٽ ٻه شڪار ڪيا جڏهن ته مئٽ هينري ۽ راچن رويندرا جي حصي ۾هڪ، هڪ وڪيٽ آئي
ان کان اڳ چنائي جي ايم اي چدمبرم اسٽيڊيم چيپوڪ ۾ افغان ڪپتان حشمت الله شاهدي ٽاس کٽي پهريان فيلڊنگ جو فيصلو ڪيو جيڪو غلط ثابت ٿيو.
نيوزيليڊ پهريان کيڏندي مقرر 50 اوورن ۾ ڇهن وڪيٽن جي نقصان تي 288 رنسون ٺاهيون، گلين فلپس 71 ۽ ٽاپ ليٿم 68 رنسون ٺاهي نمايان رهيا، وِل ينگ 54 ۽ راچن رويندرا 32 رنسون ٺاهي آئوٽ ٿيا.
افغانستان طرفان نوين الحق ۽ عظمت الله ٻه، ٻه وڪيٽون حاصل ڪيون جڏهن ته راشد خان ۽ مجيب الرحمان هڪ، هڪ وڪيٽ ورتي.
شاندار بيٽنگ پرفارمنس تي گلين فلپس کي پليئر آف دي ميچ قرار ڏنو ويو.