بئنگلورو ( ويب ڊيسڪ ) پاڪستان ڪرڪيٽ ٽيم جي ڪپتان بابر اعظم ۽ آل رائونڊر محمد نواز ڀارتي شهري جي خواهش پوري ڪري ڇڏي.
قومي ڪرڪيٽ ٽيم اڱاري تي آءِ سي سي ورلڊ ڪپ ۾ آسٽريليا خلاف ميچ لاءِ بئنگلورو جي چنا سوامي اسٽيڊيم ۾ آپشنل ٽريننگ سيشن ڪيو.
ان دوران ڀارتي شهري پرانوو پاڪستاني ڪرڪيٽرز کان آٽو گراف وٺڻ لاءِ چنا سوامي اسٽيڊيم پهتو.
ذريعن موجب، پرانوو پاڪستاني آل رائونڊر محمد نواز ۽ ڪپتان بابر اعظم جي شرٽس تي سائن جو خواهشمند هو.
ان کانسواءِ پرانوو بابر جي ڊيبيو ميچ جي ٽڪيٽ تي به آٽو گراف وٺڻ چاهي پيو.
پرانوو ٻڌايو ته 2016ع ۾ گڏيل عرب رياستن ۾ پاڪستاني پليئرز سان ملاقات ٿي هئي، پاڪستاني پليئرز سان ملي سدائين سٺو لڳو آهي.
پريڪٽس سيشن مڪمل ڪرڻ کانپوءِ بابر اعظم ڀارتي شهري پرانوو سان ملاقات ڪئي ۽ سندس خواهش پوري ڪندي شرٽ ۽ ٽڪيٽ تي آٽو گراف ڏنو.
ان کانپوءِ محمد نواز پڻ پرانوو جي خواهش پوري ڪندي شرٽ تي سائين ڪيو ۽ ساڻس تصوير ڪڍرائي.
