ڪراچي ( ويب ڊيسڪ ) قومي ٽيم جي اڳوڻي بيٽر ۽ ڪوچ باسط علي بابر اعظم کي پاڪستان جو سچن ٽنڊولڪر قرار ڏئي ڇڏيو.
هڪ شو ۾ ڳالهائيندي اڳوڻي ڪوچ باسط علي به بابر اعظم کي ساراهڻ کانسواءِ نه رهي سگهيو ۽ نقادن کي خاموش ڪرائيندي چيو ته بابر اعظم پاڪستان جو تمام وڏو پليئر آهي.
هن چيو ته پاڪستان هنيئر تائين پرفارمر وڏا وڏا آيا پر بابر کان سٺو بيٽر ڪو ناهي آيو، يوسف، يونس، انضمام ۽ جاويد ميانداد سڀ پرفارمر هئا، بابر تمام وڏو پليئر آهي.
سندس چوڻ هو ته بابر پاڪستان جو سچن ٽنڊولڪر بڻجندو، جيڪڏهن دنيا جي بيٽرز سان ڀيٽ ڪجي ته بابر پاڪستان جو سچن ٽنڊولڪر آهي.
هن وڌيڪ چيو ته منهنجي راءِ آهي ته بابر ڪپتاني جي ڊيپ ۾ هليو ويو آهي ڇو ته ڪپتاني سبب هو پنهنجي بيٽنگ تي پورو ڌيان نه پيو ڏئي سگهي.
