راڻيپور: سينيئر صحافي حفيظ الرحمٰن ميمڻ جي ياد ۾ ميڙاڪو

راڻيپور پريس ڪلب جي اڳوڻي صدر سينيئر صحافي حفيظ الرحمٰن ميمڻ جي ياد ۾ تعزيتي ميڙاڪو ڪوٺايو ويو
ميڙاڪي ۾ سياسي سماجي ڌرين، صحافين، اديبن ۽ شهرين وڏي انگ ۾ شرڪت ڪئي
ان موقعي تي مقررن تعزيتي ميڙاڪي کي خطاب ڪندي چيو ته حفيظ الرحمان غريب ۽ بي پهچ ماڻھن جو ڀرجهلو ۽ آواز هيو. هن هميشه پنهنجي قلم ذريعي غريب عوام جو آواز اعلي ايوانن تائين پهچايو
اڳواڻن چيو ته پوري زندگي صحافت کي ارپيندڙ مرحوم حفيظ الرحمان ميمڻ ڪنهن به تعارف جو محتاج ناهي. هو ايم آر ڊي تحريڪ جو به متحرڪ ڪارڪنن هو جنهن جي ڪري مٿس ڪيس به داخل ٿيا ۽ جيل به ڪاٽڻا پيا.