اسلام آباد (ويب ڊيسڪ) توهين اليڪشن ڪميشن ۾ عمران خان تي اڄ به فرد جرم لاڳو نه ٿي سگهيو.
اليڪشن ڪميشن سنڌ جي ميمبر نثار دراني جي سربراهي ۾ 4 رڪني ڪميشن توهين اليڪشن ڪميشن ڪيس جي ٻڌڻي ڪئي.
پي ٽي آءِ چيئرمين جي وڪيل شعيب شاهين چيو ته عمران خان جيل ۾ آهي، تنهن ڪري سندس پروڊڪشن آرڊر جاري ڪيو ته جيئن هو هتي پيش ٿئي.
وڪيل چيو ته عمران خان کي سيڪيورٽي جو بنياد بڻائي ٻين عدالتن ۾ پيش ٿيڻ نه پيو ڏن وڃي، جنهن تي نثار دراني چيو اڳ ۾ ته پي ٽي آءِ چيئرمين ايندو ئي نه هو، هاڻ پروڊڪشن آرڊر جو چئي رهيو آهي، توهان شوڪاز جو جواب جمع ڪرايو، اسان پروڊڪشن آرڊر جاري ٿا ڪيون ۽ سيڪيورٽي لاءِ به لکون ٿا.
بلوچستان جي ميمبر شاهه محمود جتوئي چيو ته اسان فرد جرم لاڳو ڪنداسين، پوءِ ڪميشن ڪيس جي ٻڌڻي 24 آڪٽوبر تائين ملتوي ڪري ڇڏي.
