غزا (ويب ڊيسڪ) فلسطين جي پرڏيهي وزارت چيو آهي ته اسرائيل طرفان عزا جي علائقن تي منع ڪيل فاسفورس بمن جو استعمال ڪيو پيو وڃي.
حماس جي حملن کان پوءِ غزا تي اسرائيلي بمباري تيز ٿي وئي آهي ۽ هزارين ٽن بارود غزا تي ڪيرايو ويو آهي.
اسرائيل طرفان بجلي، پاڻي ۽ ٻارڻ به بند ڪيو ويو آهي جنهن کان پوءِ عزا ۾ انساني بحران ڪَرُ کنيو آهي.
اسرائيل طرفان عزا تي بمباري جي نتيجي ۾ هڪ هزار کان وڌيڪ ماڻهو شهيد ۽ سوين زخمي ٿيا آهن جڏهن ته شهيدن ۾ وڏو انگ ٻارن جو آهي.
اسرائيل رهائشي عمارتن، مسجدن، دڪانن، فيڪٽرين ۽ ايمبولينسن کي به نشانو بڻايو آهي.
The #Israeli occupation uses the internationally prohibited white phosphorus against Palestinians in Al Karama area, north of #Gaza.
#الاحتلال يقصف منطقة الكرامة بالفسفور المحرم دوليا شمال مدينة #غزة.#Gaza_Under_Attack #Palestine pic.twitter.com/hk7AFt43oU
— State of Palestine – MFA 🇵🇸🇵🇸 (@pmofa) October 10, 2023
ٻي پاسي فلسطين جي پرڏيهي وزارت چيو آهي ته اسرائيل غزا جي علائقن تي منع ڪيل فاسفورس بم استعمال ڪري رهيو آهي.
پرڏيهي وزارت طرفان سماجي رابطن جي ويب سائيٽ ايڪس (ٽوئيٽر) تي وڊيو جاري ڪئي وئي ۽ بيان ۾ چيو ويو ته قابض اسرائيلي فوج طرفان اتر عزا جي علائقي الڪراما ۾ عالمي سطح تي منع ڪيل فاسفورس بم استعمال ڪيا ويا.
منع ڪيل وائيٽ فاسفورس سان زمين تي وڏي پيماني تي باهه ڀڙڪندي آهي، انساني جسم جي پٺن ۽ هڏن کي به ساڙي ڇڏيندي آهي.
