ڪوٽڙي سائيٽ جي 20 کان وڌيڪ ڪالونين ۾ پاڻي جي هٿرادو کوٽ ۽ ۽ ٽينڪر مافيا جي من مانين خلاف پاڪستان نوجوان تحريڪ احتجاجي مظاهرو ڪري ڌرڻو هنيو آهي.
مظاهرين عبدالستار لُهر، نظير بليدي ۽ ٻين جي ڳواڻي ۾ ڊي سي ڄامشورو جي آفيس آڏو احتجاجي مظاھرو ڪري ڌرڻو ھنيو.
ان موقعي تي احتجاج ڪندڙن جو چوڻ هوته پاڻي جون لائنون ھٿرادو بند ڪري علائقي ۾ پاڻي جي کوٽ پيدا ڪئي وئي آهي پاڻي جون لائنون ھئڻ جي باوجود به ٽينڪر گھرائڻ تي مجبور آھيون.
ھنن مطالبو ڪيو ته لائنن وسيلي پاڻي فراھم ڪيو وڃي ۽ جن علائقن ۾ لائنون ناهن اتي سرڪاري ٽينڪرن ذريعي پاڻي فراهم ڪيو وڃي ٻي صورت ۾ احتجاج جو دائرو وڌايو ويندو.
