اسلام آباد (ويب ڊيسڪ) نگران پرڏيهي وزير جليل عباس جيلاني چيو آهي ته پاڪستان کي وچ اوڀر ۾ وڌندڙ ڇڪتاڻ ۽ معصوم جانيون ضايع ٿيڻ تي سخت ڳڻتي آهي.
سوشل ميڊيا تي جاري ڪيل بيان ۾ جليل عباس جيلاني چيو ته موجوده صورتحال ۾ فلسطينين سان يڪجهتي طور بيٺا آهيون ۽ اسرائيلي قابض فوج جي تشدد ۽ جبر کي فوري طور بند ڪرڻ جو مطالبو ڪيون ٿا.
هن چيو ته گڏيل قومن جي ٺهرائن موجب ۽ 1967 کان اڳ جي سرحدن جي بنياد تي عمل جوڳي ۽ خود مختيار فلسطيني رياست جو قيام ضروري آهي.
سندس چوڻ هو ته عالمي برادري کي تڪرار جي خاتمي ۽ شهرين جي حفاظت لاءِ قدم کڻڻ گهرجن، عالمي برادري وچ اوڀر ۾ ڊگهي امن لاءِ فوري طور مداخلت ڪري.
