اسلام آباد (ويب ڊيسڪ) يوٽيليٽي اسٽورز جي هزارين ڊيلي ويجز ملازمن جي روزاني اجرت ۾ واڌ جو فيصلو ڪيو ويو، واڌ جي منظوري يوٽيليٽي اسٽورز جي بورڊ کان ورتي ويندي.
يوٽيليٽي اسٽورز جي هزارين ڊيلي ويجز ملازمن جي روزاني اجرت ۾ 531 رپين تائين واڌ جي تجويز ڏني وئي، ملازمن جي اجرت ۾ واڌ جي تجويز تعليمي قابليت جي لحاظ سان تيار ڪئي وئي آهي.
ذريعن جو چوڻ آهي ته ميٽرڪ ۽ انڊر ميٽرڪ ملازمن جي روزاني اجرت ۾ 266 رپيا ۽ ايف اي، ايف ايس سي، ڊي ڪام ۽ ڊرائيورن جي روزاني اجرت ۾ 287 رپيا واڌ جي تجويز ڏني وئي آهي.
ان کانسواءِ بي اي، بي ايس سي ملازمن جي روزاني اجرت ۾ 308 رپيا، ايم بي اي، ايم پي اي، ايم ڪام، ايم ايس سي ملازمن جي روز جي اجرت ۾ 399 رپيا ۽ ايم فل، ايم ايس ۽ ان جي برابر تعليم رکندڙ ملازمن جي روزاني اجرت ۾ 531 رپيا واڌ جي تجويز ڪئي وئي آهي.
