لنڊن ( ويب ڊيسڪ ) آءِ سي سي مينز ڪرڪيٽ ورلڊ ڪپ 2023ع لاءِ اڳوڻي انگلش ڪپتان مائيڪل وان به بي چين نظر اچي رهيو آهي.
سماجي رابطن جي ويب سائٽ ايڪس تي جاري ڪيل بيان ۾ مائيڪل وان پنهنجي ٽاپ فور ٽيمن ۾ پاڪستان کي به شامل ڪيو آهي.
Can’t wait for the World Cup to start this week .. My 4 semi finalists will be … England 🏴 South Africa 🇿🇦 India 🇮🇳 Pakistan 🇵🇰 .. #CWC2023
— Michael Vaughan (@MichaelVaughan) October 2, 2023
اڳوڻي انگلش ڪپتان لکيو ته هلندڙ هفتي عالمي ڪپ شروع ٿي رهيو آهي جنهن جو بي صبري سان اوسيئڙو آهي، پاڪستان، ڀارت، ڏکڻ آفريڪا ۽ انگلينڊ منهنجون سيمي فائنلسٽ ٽيمون آهن.
ياد رهي ته آءِ سي سي ورلڊ ڪپ پنج آڪٽوبر کان ڀارت ۾ شروع ٿي رهيو آهي، ميگا ايونٽ جو فائنل 19 نومبر تي ٽورنامينٽ جي ٻن ٽاپ ٽيمن وچ ۾ کيڏيو ويندو.