ڪراچي (ويب ڊيسڪ) ڪراچي جي علائقي ناظم آباد ۾ تيز رفتار ڪار جي ٽڪر ۾ ڪرتب ڏيکاري عوام کي کلائيندڙ ڀولو مري ويو، جڏهن ته مداري سخت زخمي ٿي پيو.
پوليس موجب حادثو ناظم آباد بلاڪ ايڇ ۾ شير شاهه سوري روڊ تي پيش آيو، جتي 35 ورهين جو مداري صائمه پاري مال ٻاهران ڀولي سان گڏ بس اسٽاپ تي بيٺو هو ته تيز رفتار ڪار کيس ٽڪر هنيو.
پوليس ٻڌايو ته حادثي ۾ ڀولو ٿڏي تي مري ويو، جڏهن ته ان جو مالڪ مداري سخت زخمي ٿي پيو، مئل ڀولي ۽ زخمي مداري کي ريسڪيو ٽيمن جي اهلڪارن اسپتال پهچايو، جڏهن ته حادثي جو ذميوار ڊرائيور فرار ٿي ويو.
