لاهور (ويب ڊيسڪ) ن ليگ اسٽيبلشمينٽ سان ٽڪراءَ جي پاليسي کان پاسو ڪرڻ جو فيصلو ڪري ورتو.
ذريعن موجب ن ليگ جي اعليٰ قيادت جي لنڊن ۾ ٿيندڙ اجلاسن ۾ اڳتي لاءِ پارٽي بيانيي جي حوالي سان اهم فيصلا ڪيا ويا، شهباز شريف ۽ اسحاق ڊار لنڊن ۾ نواز شريف سان اهم ملاقاتون ڪيون.
پارٽي ذريعن جو چوڻ آهي ته نواز شريف سان ڏيهه واپسي ۽ اڳتي جي حڪمت عملي تي شهباز شريف ۽ اسحاق ڊار اهم مشاورت ڪئي، ليگي قيادت جي ڪجهه اهم گڏجاڻين ۾ مريم نواز به شريڪ ٿي.
پارٽي ذريعن موجب گڏجاڻين ۾ ان ڳالهه تي اتفاق ڪيو ويو ته ن ليگ جو بيانيو مزاحمت نه مفاهمت هوندو، پارٽي مستقبل ۾ معاشي ايجنڊا تي ڌيان ڏيندي، ن ليگ جي پهرين ترجيح پاڪستان جي معيشت بهتر ڪرڻ هوندي.
گڏجاڻين ۾ اتفاق ڪيو ويو ته اسٽيبلشمينٽ سان ٽڪراءَ جي پاليسي کان پاسو ڪيو ويندو، پاڪستان جي وڏن مسئلن جي حل لاءِ گڏجي هلڻ جو به فيصلو ڪيو ويو.
ن ليگ جو سينيئر اڳواڻ اسحاق ڊار لنڊن کان پاڪستان روانو ٿي ويو آهي، پارٽي ذريعن جو چوڻ آهي ته اسحاق ڊار دبئي کان ٿيندي پاڪستان پهچندو.
You might also like