لاهور (پ ر) جماعت اسلامي جي امير سراج الحق چيو آهي ته گذريل حڪمرانن جي غلط فيصلن سبب پاڪستان عالمي مالياتي ادارن ۽ استعمار جو سرمايو بڻجي ويو آهي مهانگائي جو روڊ ميپ تيار ڪيو ويو آهي. نگران حڪومت گذريل حڪومتن ۽ آءِ ايم ايف جي پاليسين تي عمل ڪري رهي آهي،هن چيو ته نگران حڪومت وٽ اختيار نه آهن ته پوءِ بجلي گئس ۽ پيٽرول جا اگهه وڌائي عوام کي ڇو ڦري رهيا آهن؟ جماعت اسلامي عوام جي حقن لاءِ پرامن جدوجهد جاري رکندي.اهڙن خيالن جو اظهار هن خوشاب ۾ جماعت اسلامي جي ميمبر ۽ علائقي جي اهم سماجي شخصيت خالق داد ڀٽي جي جنازي نماز جي موقعي تي مقامي ميڊيا جي نمائندن ۽ عوام جي وڏي انگ سان ڳالهائيندي ڪيوهن چيو ته اسلام آباد پاران اسرائيل کي تسليم ڪرڻ جو ڪو به قدم پاڪستاني قوم ان کي سختي سان دفن ڪري ڇڏيندي.
