قمبر (ويب ڊيسڪ) قمبر ۾ ڪراچي مان آيل نوجوان کي گهرواري ۽ ٻارن سامهون گوليون هڻي قتل ڪيو ويو.
قمبر جي ٽيڪسي اسٽيڊ تي اڻڄاتل موٽر سائيڪل سوار هٿياربندن ڪار سوارن تي فائرنگ ڪري ڏني، جنهن جي نتيجي ۾ مختيار علي چانڊيو تڏي تي قتل ٿي ويو، جڏهن ته جوابدار فرار ٿي ويا.
مقتول مختيار چانڊيو ڪراچي کان شهدادڪوٽ عزيزن وٽ فوتگي جي سلسلي ۾ وڃي رهيو هو ته مٿس حملو ڪيو ويو.
مقتول جي گهرواري وحيده چانڊيو صحافين اڳيان دانهيو ته اسان اصل ڊکڻ جا آهيون ليڪن اتان لڏي ڪراچي رهائش اختيار ڪئي آهي ۽ اسان جي ڪنهن سان به ڪا دشمني ڪا نه آهي، ظالمن سندس مڙس کي ماري وڏو ظلم ڪيو آهي.
آخري اطلاعن تائين واقعي جو ڪيس داخل نه ٿي سگهيو هو.
