لاهور (ويب ڊيسڪ) ڀارت ۾ شيڊيول ون ڊي ورلڊ ڪپ لاءِ پاڪستان ڪرڪيٽ ٽيم جي اسڪواڊ تي مشاورت مڪمل ٿي وئي.
ذريعن موجب ڪپتان بابر اعظم ۽ سليڪشن ڪميٽي شروعاتي مشاورت مڪمل ڪري ورتي آهي، جنهن ۾ فٽينس مسئلن سبب متبادل نالن تي غور ٿيو.
ذريعن جو چوڻ آهي ته ايشيا ڪپ جي اسڪواڊ ۾ وڌيڪ تبديليون نه ڪرڻ جو امڪان آهي، جڏهن ته اسپنر ابرار احمد جي نالي تي به غور ڪيو پيو وڃي.
ذريعن موجب سليڪشن ڪميٽي سربراهه انضمام الحق ۽ ڪپتان بابر اعظم سڀاڻي ذڪا اشرف سان ملاقات ڪندا، ذڪا اشرف ورلڊ ڪپ اسڪواڊ جي حوالي سان اڳوڻن ڪپتانن، ڪرڪيٽرن سان به مشاورت جو ارادو رکي ٿو.
ذريعن جو چوڻ آهي ته مشاورت مڪمل ٿيڻ تي ورلڊ ڪپ اسڪواڊ جو اعلان ٻه کان ٽي ڏينهن ۾ ڪيو ويندو.
