تاريخ ۾ پهريون ڀيرو دنيا جي سڀ کان وڏي حسن جي مقابلي ”مس يونيورس“ ۾ پاڪستاني حسينائون به حصو وٺنديون.
200 کان وڌيڪ اميدوارن مان 5 پاڪستاني ڇوڪريون چونڊيون ويون آهن، مس يونيورس پاڪستان 2023 لاءِ ٽاپ 5 فائنلسٽ ۾ ڪراچي جي ايريڪا رابن، لاهور جي حرا انعام، راولپنڊي جي جسيڪا ولسن، پنسلوانيا مان پاڪستان ڄاول آمريڪي مليڪه علوي ۽ پنجاب جي سبرينا وسيم شامل آهن.
مقابلي ۾ حسينائن مالديپ ۾ فوٽو شوٽ ۾ حصو ورتو ان دوران هنن فلپائني ڊزائنر جي ڪپڙا پهريا.
واضح رهي ته 5 حسينائن مان هڪ کي ڪامياب قرار ڏنو ويندو، مس يونيورس پاڪستان هن سال نومبر ۾ ايل سلواڊور ۾ ٿيندڙ عالمي مس يونيورس مقابلي ۾ پاڪستان جي نمائندگي ڪندي.
