ڪولمبو ( ويب ڊيسڪ ) ڀارتي ڪرڪيٽ ٽيم جي ڪپتان روهت شرما ون ڊي ڪرڪيٽ ۾ اهم ڪارنامو انجام ڏيندي ڏهه هزار رنسون مڪمل ڪري ورتيون آهن.
روهت شرما اِهو ڪارنامو اڱاري ڏينهن ايشيا ڪپ جي سُپر فور مرحلي ۾ سريلنڪا خلاف ميچ ۾ سرانجام ڏنو، ڀارتي ڪپتان ون ڊي ڪرڪيٽ ۾ ڏهه هزار رنسون ٺاهيندڙ پندرنهون جڏهن ڇهون ڀارتي بيٽر آهي.
Among the 15 batters with 10,000 ODI runs, Rohit Sharma is the second-fastest to the milestone, right after Virat Kohli 🙌 pic.twitter.com/wqjNMbhEWA
— ESPNcricinfo (@ESPNcricinfo) September 12, 2023
ڀارتي ڪپتان اننگز جي لحاظ کان ون ڊي ڪرڪيٽ ۾ ڏهه هزار رنسون ٺاهيندڙ ٻيو تيز ترين بيٽر آهي، ان فهرست ۾ پهريون نمبر ويرات ڪوهلي جو آهي.
روهت شرما ون ڊي ڪرڪيٽ جي 241 هين اننگز ۾ ڏهه هزار رنسون مڪمل ڪيون ڪوهلي اِهو ڪارنامو 205 اننگز ۾ انجا ڏنو هو.
روهت شرما ون ڊي ڪرڪيٽ ۾ ڏهه هزار رنسون مڪمل ڪري اڳوڻي ڀارتي ليجنڊري بيٽر سچن ٽنڊولڪر کي به پوئتي ڇڏي ڏنو آهي.
ڀارتي ڪپتان روهت شرما ٽنڊولڪر کان گهٽ ون ڊي اننگز ۾ ڏهه هزار رنسون مڪمل ڪيون، سچن اِهو ڪارنامو 259 اننگز ۾ انجام ڏنو.
ياد رهي ته ايشيا ڪپ جي سُپر فور مرحلي ۾ ڀارت ۽ سريلنڪا جون ٽيمون آمهون سامهون آهن، ميچ ۾ روهت شرما 53 رنسن جي اننگز کيڏي.
