ڪولمبو ( ويب ڊيسڪ ) قومي ڪرڪيٽ ٽيم جي ڪپتان بابر اعظم کي جتي سندس بيٽنگ ۾ ڪمال مهارت سبب ڄاتو ويندو آهي ته اتي ئي سندس ماٺيڻي مزاج کان به دنيا واقف آهي.
مداحن بابر اعظم کي ڪيمرا جي آڏو ڪڏهن به ڪاوڙ ڪندي نه ڏٺو هوندو پر اڄ هڪ وڊيو وائرل ٿي آهي جنهن ۾ بابر اعظم کي ڪاوڙ ڪندي ڏسي سگهجي ٿو.
First time ever i have seen this guy loosing his cool. #AsiaCup2023 pic.twitter.com/hE2emxmZqK
— Nibraz Ramzan (@nibraz88cricket) September 10, 2023
وڊيو ۾ ڏسي سگهجي ٿو ته بابر اعظم پنهنجي ڌن ۾ ڪيڏانهن وڃي رهيو آهي ۽ اوچتو وٽس هڪ مداح اچي ٿو ۽ بابر اعظم سان تصوير جي فرمائش ڪري ٿو.
بابر اعظم هلندي سندس موبائيل ڏانهن ڏسي ٿو ۽ پوءِ اڳتي وڌي وڃي ٿو پر مداح به بابر اعظم سان گڏ گڏ هلندو رهي ٿو ۽ پنهنجي ڪيمرا ذريعي تصويرون ڪڍڻ جي ڪوشش ڪري ٿو.
اِهو ڏسي بابر اعظم جي برادشت نٿو ٿئي ۽ هو مداح سان ڪاوڙ جو اظهار ڪري ٿو، جنهن بعد اهو اتان ڀڄي وڃي ٿو.
