ممبئي (ويب ڊيسڪ) آءِ سي سي ڪرڪيٽ ورلڊ لاءِ ڀارت پنهنجي پندرنهن رُڪني اسڪواڊ جو اعلان ڪري ڇڏيو.
ڀارتي ڪرڪيٽ بورڊ ( بي سي سي آءِ )طرفان سوشل ميڊيا اڪائونٽ تي جاري ڪيل بيان ۾ عالمي ڪپ لاءِ ٽيم جو اعلان ڪيو ويو .
ورلڊ ڪپ ۾ ٽيم جي قيادت روهت شرما ڪندو، جڏهن ته ٻين رانديگرن ۾ ويرات ڪوهلي، شُڀمَن گِل، شرياس ائير، ايشان ڪِشن، ڪي ايل راهول شامل آهن.
ان کانسواءِ نائب ڪپتان هاردِڪ پانڊيا، سوريا ڪمار ياديو، رويندرا جاڙيجا، ڪُلديپ ياديو به اسڪواڊ جو حصو آهن.
Squad: Rohit Sharma (Captain), Shubman Gill, Virat Kohli, Shreyas Iyer, Ishan Kishan, KL Rahul, Hardik Pandya (Vice-captain), Suryakumar Yadav, Ravindra Jadeja, Axar Patel, Shardul Thakur, Jasprit Bumrah, Mohd. Shami, Mohd. Siraj, Kuldeep Yadav#TeamIndia | #CWC23
— BCCI (@BCCI) September 5, 2023
ورلڊ ڪپ جي اسڪواڊ ۾ شاردل ٺاڪر، اڪشر پٽيل، جسپريت بمرا، محمد شامي ۽ محمد سراج کي به سليڪٽ ڪيو ويو آهي.
ياد رهي ته هلندڙ سال ون ڊي ورلڊ ڪپ پنج آڪٽوبر تي ڀارت ۾ شروع ٿي رهيو آهي، ايونٽ ۾ پاڪستان پنهنجي پهرين ميچ ڇهه آڪٽوبر تي نيڌرلينڊز خلاف کيڏندو.
ميگا ايونٽ جو سڀ کان وڏو پاڪ-ڀارت مقابلو 14 آڪٽوبر تي احمد آباد جي نريندر مودي ڪرڪيٽ اسٽيڊيم م شيڊيول آهي.
