لاهور( ويب ڊيسڪ ) ڀارتي ڪرڪيٽ بورڊ جو چار رڪني وفد پاڪستان پهچي ويو.
پاڪستان پهچندڙ ڀارتي وفد ۾ بورڊ آف ڪنٽرول فار ڪرڪيٽ اِن انڊيا ( پي سي سي آءِ ) جي صدر راجي بني، نائب صدر راجيو شڪلا، ڊائريڪٽر بي سي سي آءِ ۽ نائب صدر جو سيڪريٽري محمد ارڪم شامل آهن.
پاڪستان ڪرڪيٽ بورڊ جي مئنيجمينٽ ڪميٽي جي سربراهه ذڪاءُ اشرف ڀارتي وفد جي آجيان ڪئي ۽ پي سي بي اختيارين طرفان ڀارتي بورڊ جي وفد کي گلدستا به پيش ڪيا ويا.
ڀارتي ڪرڪيٽ بورڊ جو وفد ٻن ڏينهن جي دوري تي پاڪستان آيو آهي، ڀارتي وفد ايشيا ڪپ جي پنج ۽ چهه سپٽيمبر جي ميچون به ڏسندو.
بي سي سي آءِ صدر راجر بني جو ان موقعي تي چوڻ هو ته پاڪستان ڪرڪيٽ بورڊ جي دعوت تي هتي آيا آهيون، پاڪستان سان اسان جا پراڻا لاڳاپا آهن، 2005ع ۾ به پاڪستان آيا هئاسين.
پي سي بي مئنيجمينٽ ڪميٽي جي چيئرمين ذڪاءَ اشرف جو چوڻ هو ته ڀارتي وفد اسان جي دعوت قبول ڪئي ۽ پاڪستان آيو اسان کي سٺو لڳو، دل جي گهراين سان ڀارتي وفد جو ٿورائتو آهيان، اهڙي ريت ٻنهي ملڪن جا لاڳاپا بهتر ٿيندا.
