ڪراچي (ويب ڊيسڪ) قومي ڪرڪيٽ ٽيم جي اڳوڻي ڪپتان سرفراز احمد چيو آهي ته ون ڊي ۾ نمبر ون بڻجڻ کانپوءِ پاڪستان ٽيم جا حوصلا بلند آهن ۽ پاڪستاني ٽيم ڀارت کان بهتر نظر اچي رهي آهي.
ڪراچي ۾ هڪ تقريب کانپوءِ صحافين سان ڳالهائيندي سرفراز احمد چيو ته ايشيا ڪپ کانپوءِ ورلڊ ڪپ ۾ به ٽيم سٺو پرفارم ڪندي، پاڪ ڀارت ميچ هاءِ وولٽيج هوندي آهي، سڀني جون نظرون ان تي هونديون آهن.
هن چيو ته شوقين پاڪستان جي ڪاميابي لاءِ پراميد آهن پر يقيني طور تي پاڪستان جي نظر ڀارت خلاف ميچ سان گڏوگڏ سموري ايشيا ڪپ تي هوندي.
سندس موجب پاڪستان ٽيم اهڙي موقعي تي نمبر ون بڻي آهي، جڏهن ايشيا ڪپ هلي رهيو آهي ۽ ورلڊ ڪپ ويجهو آهي، جيڪا سٺي ڳالهه آهي، ان سان رانديگرن جو حوصلو بلند ٿيندو آهي.
