اسلام آباد ( ويب ڊيسڪ ) چيف اليڪشن ڪمشنر، سنڌ جي بيورو ڪريسي ۾ بدليون نه ٿيڻ جو نوٽيس وٺندي نگران وڏي وزير کي خط لکي تبديلون ڪرڻ جي هدايت ڪري ڇڏي.
چيف اليڪشن ڪمشنر طرفان سنڌ جي نگران وڏي وزير کي خط لکيو ويو.
چيف اليڪشن ڪمشنر سڪندر سلطان راجا طرفان خط ۾ نگران وڏي وزير جسٽس رٽائرڊ مقبول باقر کي صوبي ۾ اهم عهدن تي تبديلون ڪرڻ جي هدايت ڪئي وئي.
چيف اليڪشن ڪمشنر ٻيهر خط لکي 15 آگسٽ تي ڏنل حڪم جو عمل نه ڪرڻ تي بدلين جي هدايت ڪئي.
چيف اليڪشن ڪمشنر هدايت ڪندي چيو ته سنڌ جا ڪمشنر، ڊي سيز، اي ڊي سيز ۽ ايس ايس پيز بدلي ڪري سندن جاءِ تي تجربيڪار آفيسرن کي مقرر ڪيو وڃي.
هن چيو ته سنڌ ۾ اهم مقرريون نه ٿيڻ ڪري شفاف چونڊون نه ٿيڻ تي آڱريون کڄي سگهجن ٿيون.
