ممبئي ( ويب ڊيسڪ ) ڀارتي ڪرڪيٽ ٽيم جو اڳوڻو ڪپتان ويرات ڪوهلي فٽ ترين ڪرڪيٽر ناهي رهيو.
پرڏيهي ميڊيا موجب، فٽنس ٽيسٽ ۾ ڀارتي اوپنر شُڀمَن گِل ويرات ڪوهلي کان اڳتي نڪري ويو، گِل جو يويو ٽيسٽ ۾ اسڪور 18 ڏهائي 7 آيو آهي، جڏهن ته ويرات ڪوهلي سوشل ميڊيا تي پنهنجي رزلٽ بابت پوسٽ شيئر ڪئي هئي جنهن هن جو اسڪور 17 ڏهائي 2 هو.
ايشيا ڪپ جي تياري لاءِ ڀارتي ٽيم جي تربيتي ڪئمپ لڳائي آهي وئي جتي ڪرڪيٽرن جي يو يو ٽيسٽ ورتي وئي.
يويو ٽيسٽ ۾ اوپنر شُڀمَن گِل سڀني کان گوءِ کڻي ويو، ان ٽيسٽ ۾ ڪٽ آف ليول 16 ڏهائي 5 اسڪور رکيو ويو هو.
ان کانسواءِ جسپريت بمرا سميت پنج ڪرڪيٽرن جي يويو ٽيسٽ ناهي ورتي وئي، جڏهن ته باقي ٻين رانديگرن ٽيسٽ پاس ڪري ورتي آهي.
