ڪراچي (ويب ڊيسڪ) ڪراچي جي علائقي بفر زون ۾ ٻي ماڙ تان ڪِريل ٻن ورهين جو ٻار معجزاڻي طور بچي ويو.
واقعو گذريل ڏينهن بفر زون جي سيڪٽر اي 15 ۾ پيش آيو، جتي ٻن ورهين جو ٻار شازل پنهنجي گهر ۾ موجود هو، جيڪو پير ترڪڻ سبب هيٺ ڪري پيو.
واقعي جي سي سي ٽي وي فوٽيج به منظر تي آئي آهي، جنهن ۾ ڏسي سگهجي ٿو ته خوش قسمتي سان وچ مان انٽرنيٽ جي تار گذري رهي آهي، جنهن ۾ وچڙڻ سبب ٻارڙي کي وڏو نقصان نٿو پهچي.
ٻارڙي جي زمين تي ڪِرڻ کانپوءِ کيس فوري طور اسپتال نيو ويو، جتي ڊاڪٽرن چيڪ اپ کانپوءِ چيو ته ان کي ڪو نقصان ناهي ٿيو، معمولي رهڙون آيون آهن، پوءِ ٻار کي گهر منتقل ڪيو ويو، جيڪو هاڻ مڪمل طور صحتمند آهي.
