ماسڪو ( ويب ڊيسڪ ) روس جي راڄڌاني ماسڪو جي سمورن هوائي اڏن کي اُڏامن جي اچ وڃ لاءِ بند ڪيو ويو آهي.
پرڏيهي خابرو اداري موجب، سومر جي ڏينهن ماسڪو تي يوڪرائن طرفان ڊرون حملا ڪيا ويا جنهن کي روس جي ايئر ڊيفينس ناڪام بڻائي ڇڏيو، پر ڊرون جو ملبو هڪ گهر تي ڪرڻ سبب ٻه ڄڻا زخمي ٿي پيا.
ميڊيا رپورٽن موجب، يوڪرائن طرفان ڊرون حملي کانپوءِ ماسڪو جي ٽن وڏن ايئرپورٽس تي هر قسم جون اُڏامون معطل ڪيون ويون آهن.
اختيارين موجب، جن هوائي اڏن جو فلائيٽ آپريشن بند ڪيو ويو آهي انهن ۾Vnukovo Sheremetyevo ۽ Domodedovo شامل آهن.
