ممبئي (ويب ڊيسڪ) بالي ووڊ جي سڀ کان وڌيڪ معاوضو وٺندڙ اداڪار دپيڪا پڊوڪون پاڻ کي 12 هين پاس تسليم ڪري مداحن کي حيران ڪري ڇڏيو.
پرڏيهي ميڊيا موجب اداڪارا دپيڪا پڊوڪون هڪ تقريب ۾ ڳالهائيندي پنهنجي ڪامياب زندگي جو راز ۽ تعليمي قابليت بابت ٻڌايو.
اداڪارا جو چوڻ هوته زندگي ۾ گھڻيون قربانيون ڏيڻيون پيون ۽ انهيءَ ڪري آئون ڪڏهن به ڪاليج نه وڃي سگھيس، آئون ان وقت هڪ ماڊل طور ڪاميابي جا ڏاڪا چڙهي رهي هيس جنهن سبب تعليم کي جاري نه رکي سگھيس، آئون اهڙي وقت ۾ 11هين ۽ 12 هين جماعت جا امتحان پاس ڪيا جڏهن آئون ناليواري ماڊل هيس. مون کي ڪم جي حوالي سان ڪڏهن ممبئي ته ڪڏهن دهلي سفر ڪرڻو پوندو هو. ان دوران آئون گھڻي ڪوشش ڪئي ته تعليم به جاري رکي سگھان.
اداڪارا جو چوڻ هو ته والدين به اهو ئي چاهين پيا ته آئون عارضي طور تي ماڊلنگ ڇڏي پنهنجي پڙهائي مڪمل ڪريان، آئون ڪاليج ۾ داخل ورتي ڊگري مڪمل ڪرڻ جي ڪوشش ڪئي پر مون کان نه ٿي سگھيو تنهنڪري هيل تائين آئون رڳو 12 هين جماعت پاس آهيان.
