نئين دهلي (ويب ڊيسڪ) ڀارتي رياست جهار کنڊ ۾ کوهه ۾ ڪِريل جانور کي بچائڻ جي ڪوشش ۾ 5 ڄڻا فوت ٿي ويا.
ڀارتي ميڊيا موجب اهو واقعو ڀارت جي اوڀر واري رياست جها رکنڊ جي پسڪا ڳوٺ ۾ پيش آيو جتي کوهه جو هڪ حصو ڪِري پيو.
نيشنل ڊزاسٽر ريسپانس فورس طرفان ٻڌايو ويو آهي ته اهو واقعو ان وقت پيش آيو جڏهن کوهه ۾ ڪِريل جانور کي بچائڻ لاءِ واري واري سان 9 ڄڻا کوهه ۾ لٿا ۽ انهيءَ وقت کوهه جو هڪ حصو ڪِري پيو.
ميڊيا رپورٽن موجب واقعي جو اطلاع ملندي ئي ريسڪيو عمل شروع ڪيو ويو ۽ کوهه ۾ دٻيل ماڻهن جون حياتيون بچائڻ جي ڪوشش ڪئي وئي پر بدقسمتي سان ان واقعي ۾ 5 ڄڻا فوت ٿي ويا.
جهار کنڊ جي وڏي وزير هيمنت سورين کوهه جو هڪ حصو ڪرڻ سبب 5 ڄڻن جي فوت ٿيڻ جي تصديق ڪندي ٻڌايو ته ريسڪيو عمل هيل تائين جاري آهي ان ڪري فوتگين جي درست انگ جو اندازو نٿو لڳائي سگھجي.
