اڄڪلهه جي دور ۾ سڀ ڪنهن کي ملاوت واري کاڌن ۽ مصالحن جي شڪايت عام ٿي وئي آهي، گهر ۾ پچندڙ شيون هجن يا ٻاهريون شيون پر انهن ۾ بازار مان ملندڙ ڪيميڪل واري مصالحن ۽ ٻين شين جو استعمال ضرور ٿيندو آهي، ٻيو ته ٺهيو پر شهري توڙي ٻهراڙي علائقن ۾ صحت لاءِ سُٺو پاڻي ملڻ به ڏکيو بڻبو پيو وڃي.
ڀلي جو پنهنجي صحت جو خيال نه به ڪري پر ڪو به اهڙو ماڻهو نه هوندو جيڪو بيمار ٿيڻ تي خوش ٿيندو هجي، پر تنهن باوجود به صحت جا مسئلا هر ڪنهن سان ضرور هوندا آهن. اڄڪلهه جي تيز ترين زندگي ۾ ڪيترن ئي ماڻهن کي پنهنجي لاءِ وقت ملندو ئي ناهي جو اهي پنهنجي صحت جو خيال ڪري سگهن.
