وار ڪٽرائڻ سان سدائين محسوس ٿيندو آهي ته اوهان جي شخصيت ۾ نکار اچي ويو هجي يا اها تبديلي هاڪاري محسوس ٿينديآهي کڻي مرد هجن يا عورتون، پر سوال اهو پيدا ٿئي ٿو ته ڪيتري وقت بعد وار ڪٽرائڻ گهرجن.
اها ته سڀني کي خبر آهي ته ماهرن طرفان هر ڪجهه وقت بعد وار ڪٽرائڻ جي صلاح ڏني ويندي آهي پر هتي اها ڳالهه اهم آهي ته وار ڪٽرائڻ مان مراد مڪمل هيئر ڪٽ ناهي هوندو، اوهان جي وارن جي سٺي صحت لاءِ ٽرم ٿيڻ جي ضرورت هوندي آهي.
اچو ته ڄاڻيون ٿا ته ان حوالي سان ماهر ڇا ٻڌائين ٿا.
عورتن جا وار جيڪڏهن ڊگها آهن ته اهي جيترو وڻي ٽرم يعنيٰ ڪٽرائي سگهن ٿيون، ان سان ٻن منهن وارا وار ٿيڻ کان بچي وينديون پر جيڪڏهن اوهان جا وار وڌيڪ ڊگها نه آهن ته ڪوشش ڪريو ته انهن کي ايترو ڪٽيو جو رڳو ٻن منهن وارا وار ختم ٿين.
وار ڪٽرائڻ جي وقت بابت ماهرن جي راءِ آهي ته 6 کان 8 هفتن بعد وار ڪٽرائڻ لازمي آهي، جڏهن ته مرد به ان ئي وقت ۾ وار ڪٽرائين. يعنيٰ جيڪڏهن اوهان چاهيو ٿا ته وار صحتمند رهن ۽ انهن جي ڊيگهه به هجي ته ضروري آهي ته انهن کي ڏيڍ ٻن مهينن ۾ لازمي ڪٽرايو.
ماهرن جو چوڻ آهي ته اوهان جا وار مئل ڪيراٽين سان ٺهيل هوندا آهن ۽ انروني پاڙيون کلڻ سبب ٽٽڻ جو خدشو رهندو آهي جنهن کي اسان عام ٻولي ۾ ٻن منهن وارا وار چوندا آهيون، اهو ئي سبب آهي جو وارن کي ڪٽرائڻ ضروري آهي.
وار وڌائڻ جي خواهش رکندڙ عورتن کي ڇا ڪرڻ گهرجي؟
اهو سوال اڪثر عورتن جي ذهن ۾ هوندو آهي، جينيات ۽ اوهان جي پنهنجي صحت جي حوالي سان وار هر مهيني 1.7 کان 0.5 سينٽي ميتر وڌندا آهن.
جيڪڏهن اوهان ان کي وڌائڻ جو سوچي رهيا آهيو تڏهن به هر 6 کان 8 هفتن ۾ ان کي ڪٽرائڻ اوهان لاءِ فائديمند ثابت ٿيندو.
