حيدرآباد (ويب ڊيسڪ) حيدرآباد ۾ ڊي ايس پي اشرف قريشي جي فائرنگ ۾ زخمي ٿيل ٽن ڄڻن مان هڪ نوجوان ارشاد قاضي زخمن جا سور نه سهندي سول اسپتال ۾ دم ڏئي ڇڏيو.
ميڊيا رپورٽن موجب، پارڪنگ واري معاملي تان ڊي ايس پي اشرف قريشي مبينا طور ارشاد قاضي تي فائرنگ ڪئي هئي، جنهن جي نتيجي ۾ ارشاد قاضي سميت ٽي ڄڻا زخمي ٿي پيا هئا، جن ۾ ٻه واٽهڙو به شامل هئا.
پوليس ڊي ايس پي اشرف قريشي کي گرفتار ڪري ورتو هو، جڏهن ته سندس خلاف دهشتگردي ايڪٽ تحت به ڪيس داخل ڪيو ويو آهي.
