اسلام آباد (ويب ڊيسڪ) مصباح ارشد مس يونيورس پاڪستان 2026 لاءِ چونڊجي وئي آهي.
مصباح ارشد 24 نومبر تي پورٽو ريڪو جي شهر سان خوان ۾ ٿيندڙ مس يونيورس 2026 جي عالمي مقابلي ۾ پاڪستان جي نمائندگي ڪندي.
مس يونيورس پاڪستان 2026 جي تاج پوشي واري تقريب فلپائن جي شهر منيلا جي روزال پارڪ هوٽل ۾ ٿي.
مصباح ارشد 10 اميدوارن جي فائنل مقابلي ۾ ڪاميابي حاصل ڪري مس يونيورس پاڪستان جو اعزاز پنهنجي نالي ڪيو ۽ هاڻي هوءَ عالمي مقابلي ۾ پاڪستان جي نمائندگي ڪندي.
مصباح ارشد جو واسطو پاڪستان سان آهي ۽ هوءَ اسلام آباد ۾ پڻ رهي چڪي آهي.
هن وقت هوءَ جرمني جي شهر ميونخ ۾ رهي ٿي ۽ يونيورسٽي آف هيگن مان نفسيات جي تعليم حاصل ڪري رهي آهي.
2000ع ۾ جنم وٺندڙ مصباح ارشد 2023ع ۾ حسن جي مقابلن ذريعي نمايان سڃاڻپ حاصل ڪئي.
هوءَ مس پاڪستان ورلڊ 2023 ۽ مس اورا پاڪستان 2023 جو اعزاز پڻ حاصل ڪري چڪي آهي.
