لاهور(مبشر لقمان)شطرنج ۽ سياست ٻئي وڏيون بي رحم رانديون آهن، پر انهن ۾ هڪ قدر مشترڪ آهي؛ ٻنهي ۾ حريف کي ڪيرائڻ کان اڳ انکي مڪمل طور تي بي وس ڪيو ويندو آهي. مسلم ليگ (ن) ۽ پيپلز پارٽي به اڄڪلهه ڪجهھ اهڙين ئي حالتن جو شڪار آهن. 28هين ترميم جي صورت ۾ ٻنهي جماعتن کي چيڪ ميٽ ملي چڪو آهي. ٻنهي جماعتن هن ترميم کان بچڻ لاءِ وڏا هٿ پير هنيا آهن، پهرين هڪ ٻئي خلاف بيان بازي ڪئي، ماحول گرم ڪرڻ جي ڪوشش ڪئي. حسبِ روايت بلاول ڀٽو مسلم ليگ (ن) کانمات کائي ويو، ان کان پوءِ پيپلز پارٽي پنهنجي منظورِ نظر صحافين ذريعي خبرون هلايون ته بلاول ڀٽو پي ٽي آءِ سان ملي ڪري شهباز شريف خلاف تحريڪ عدم اعتماد آڻڻ جي ڪوشش ڪري رهيو آهي ان کان علاوه مسلم ليگ (ن) به پوئتي نه هئي، اها به پي ٽي آئي جي حمايت حاصل ڪرڻ لاءِ هٿ پير هڻندي رهي، پر جڏهن ٻنهي ڏٺو ته پي ٽي آءِ ته پنهنجو ميچ ڪٿي ٻئي فڪس ڪري چڪي آهي، تو ان کان پوءِ وزيراعظم شهباز شريف ۽ صدرِ مملڪت آصف علي زرداري ٻئي گڏ ويٺا. ان اهم ملاقات جا مناظر ڏسي سگهو ٿا ته ٻنهي اڳواڻن جي چهرن تي ڪا به ناراضگي ناهي، ان ملاقات ۾ صرف هڪ شيءِ غير معمولي هئي، ۽ اها ته بلاول ڀٽو ان ملاقات ۾ شريڪ نه هو،هاڻي سوال اهو آهي ته ان اهم ملاقات ۾ ڇا طئي ٿيو؟ ڇا پيپلز پارٽي جا خدشا ختم ٿي ويا؟ هاڻي اها 28هين ترميم جي منظوريءَ لاءِ مسلم ليگ (ن) جو ساٿ ڏيندي؟ ذريعن موجب نئين ترميم ۾ ٻه تجويزون شامل ڪيون پيون وڃن. پيپلز پارٽي تو انهن مان اڪثر تجويزن سان پهرين ئي اتفاق ڪري چڪي آهي. صوبن جي تقسيم جي بجاءِ انتظامي يونٽس ٺاهڻ جي تجويز صرف ۽ صرف پيپلز پارٽي جي مطالبي تي متعارف ڪرائي وئي. ان کان علاوه وفاق جو هڪ ٻيو اهم مطالبو اهو هو ته صوبن جي سيڪيورٽي انتظامن تي جيترا خرچ اچن ٿا، اهو خرچ لاڳاپيل صوبو برداشت ڪري.پيپلز پارٽي هن تجويز کي به تسليم ڪري چڪي آهي ۽ سنڌ حڪومت وفاق کي پنهنجي حصي جي رقم به ادا ڪري رهي آهي. پيپلز پارٽي جا ٽي بنيادي مسئلا آهن، پهريون مسئلو اين ايف سي ايوارڊ آهي، ٻيو مسئلو ڪراچي جي بطور هڪ انتظامي يونٽ خودمختياري آهي، ۽ ٽيون مسئلو آبي وسيلن جي تقسيم جو فارمولو آهي. هو نٿا چاهين ڪراچي ان تسلط کان آزاد ٿئي، هو نٿا چاهين قومي وسيلن جي تقسيم جي فارمولي ۾ ڪنهن قسم جي تبديلي ٿئي، هو نٿا چاهين ته پاڻي جي ورڇ جو فارمولو نئين سر سان طئي ڪيو وڃي، هو نٿا چاهين ته ملڪ ۾ نوان آبي ذخيرا قائم ٿين، نوان ڪئنال ڪڍيا وڃن،بلاول ڀٽو اڄ صرف ان لاءِ اهم فيصلن ۾ شريڪ نه پئي ٿيو ته سڀاڻي جيڪڏهن هن کي پاڻيءَ جي ايشو تي ڪا تحريڪ هلائڻي پوي تو هن جا هٿ ٻڌل نه هجن. ويجهي ماضي ۾ ڪئنالن جي اشو تي پيپلز پارٽي سڀني قوم پرست گروهن کي سنڌ جي سياست ۾ ٻيهر زنده ڪيو، روڊن تي آڻي بيهاري ڇڏيو. ۽ ڪمال اهو ته جيئن ئي ڪئنال ڪڍڻ جو منصوبو واپس وٺڻ جو اعلان ٿيو، سنڌ جا تمام قوم پرست گروهه سياسي منظرنامي تان اهڙا غائب ٿيا جو اڄ تائين انهن جو ڪو پتو ئي ناهي!ٻئي پاسي پي، 28هين ترميم تي پي ٽي آءِ فڪس ميچ کيڏي رهي آهي! سهيل آفريديءَ پورو بندوبست ڪري لانگ مارچ جو اعلان ڪيو. حڪومت ۽ اسٽيبلشمينٽ کي سينٽ ۽ اسيمبليءَ ۾ اڪثريت ثابت ڪرڻ لاءِ جيترا ووٽ گهربل هوندا، پي ٽي آءِ اوترا ئي ووٽ فراهم ڪندي. پر اسيمبليءَ جي فلور تي، ميڊيا ۾ ۽ جلسن جلوسن ۾ زباني ڪلامي مخالفت ٿيندي. ان جي بدلي ۾ عمران خان سان ملاقاتن تي پابندي مڪمل طور تي ختم نه ٿي تو گھٽ ۾ گھٽ ان ۾ نرمي ايندي.
