لاهور(سجاد انور)ليفٽيننٽ جنرل سيد عامر رضا جيڪو چيف آف ڊفينس اسٽاف هو ان کي ڪمانڊر اسٽريٽجڪ ڪمانڊ فورس مقرر ڪيو ويو آهي ۽ فور اسٽار رينڪ تي پروموشن ڏني وئي آهي. فوج ۾ جيڪا هي ٻيهر جوڙجڪ ٿي هئي، اها 27هين ترميم ۾ ٿي هئي ۽ هاڻي ان تي مڪمل طور تي عملدرآمد ٿيندي نظر اچي رهيو آهي ٻئي پاسي ازار ڊجيٽل’ هڪ خبر ڏني ته نون صوبن جو معاملو هاڻي ٻيهر سِرَ کڻي رهيو آهي ۽ پوري ملڪ کي سمارٽ انتظامي يونٽن ۾ تبديل ڪرڻ جو فيصلو ڪيو ويو آهي، ۽ جيڪي مرڪزي يونٽ هوندا اهي بلدياتي ادارا هوندا. ازار ڊجيٽل هڪ طرح سان اسٽيبلشمينٽ جي سوچ جي نمائندگي ڪندو آهي، فيلڊ مارشل عاصم منير وٽ شايد ملڪ کي نئين سِر ترتيب ڏيڻ جو هڪ پورو ڊيزائن آهي،هن جو خيال آهي ته سالن کان پاڪستان ۾ جيڪو سياسي بحران رهيو آهي، ان جي نتيجي ۾ ڪافي فالٽ لائينز پيدا ٿي ويا آهن. هاڻي اهاهن جي سوچ آهي يا هن جي ٿنڪ ٽئنڪس جي سوچ آهي ته ملڪ کي وڌيڪ متحد رکڻ ۽ ان جي مسائل حل ڪرڻ لاءِ سمارٽ يونٽس ٺاهڻ ضروري آهن، ان ۾ ڪيتريون ئي تجويزون آهن، هڪ صوبي جا ڇهه حصا، ڪنهن جا چار حصا، ڪنهن جا ٻه حصا. مختلف قسم جا پلان آهن. فوج ۾ ميزائل ٽيڪنالوجي ۽ سيٽلائيٽ ٽيڪنالوجي جو هڪ نئون ڊويزن ‘اسٽريٽجڪ ڪمانڊ فورس’ ٺاهيو ويو هو ۽ ان جو ڪمانڊر جنرل سيد عامر رضا کي فور اسٽار جنرل بڻائي مقرر ڪيو ويو. هاڻي پوري ملٽري هڪ نئين اسٽرڪچر هيٺ اسٽريم لائن ٿي وئي آهي. ان اسٽرڪچر هيٺ آهستي آهستي نوان آفيسر مٿي ايندا ۽ رٽائر ٿيندڙ هليا ويندا. ته پورو ڍانچو 50 سالن کان پوءِ بدلجي ويو آهي، اها هڪ تاريخي تبديلي آهي.هاڻي اهي پاڪستان جي گورننس سسٽم کي نڪمو سمجهن ٿا. چار صوبا آهن، ٻن صوبن (خيبر پختونخوا ۽ بلوچستان) ۾ مسلسل تڪرار هلي رهيو آهي. سنڌ ۾ شهري ۽ ٻهراڙي سنڌ جو فرق ظاهر ٿيندو رهي ٿو. پنجاب بابت چيو ويندو آهي ته اهو ايڏو وڏو صوبو آهي جو اهو ئي فيصلو ڪري ٿو ته ايندڙ حڪومت ڪنهن جي ٺهندي. اسٽيبلشمينٽ جو خيال آهي ته هڪ متوازن تصوير بڻجي وڃي جنهن ۾ ڪو برتر يا ڪمتر نه هجي ۽ ترقي هڪجهڙي ٿئي.طاقتورن جو خيال آهي ته 73 جو آئين يا صوبائي خود مختياري جڙتو نعرا آهن جنهن سان عوام کي فائدو ناهي ٿيو. هاڻي هن نئين اسٽرڪچر مان عام ماڻهو کي فائدو ٿيندو.پر سياسي پارٽين جا پنهنجا تاريخي مفاد آهن. پختونخواهه کي تقسيم ڪرڻ جي ڳالهه ٿيندي ته ايمل ولي چوندو مان تقسيم ٿيڻ نه ڏيندس. هزاري وارا چوندا ته ورهاڱو ڇو نه ٿئي؟ ڪراچي ۾ ايم ڪيو ايم وارا چوندا ته ورهاڱو ٿيڻ گهرجي، جڏهن ته سنڌي چوندا ته توهان اهو ورهاڱو ڇو ٿا گهرو؟ پنجاب ۾ ڏکڻ پنجاب وارا چون ٿا ته اسان کي الڳ ڪيو وڃي، پر پنجابي چون ٿا ته توهان اسان جو حصو آهيو بلوچستان جا به ۽ ڪشمير ۽ گلگت جا به پنهنجا معاملا آهن.اهي سڀ ڪم آئيني ترميمن تحت ئي ٿيڻا آهن. جيڪڏهن سياسي پارٽين تعاون نه ڪيو ته اسٽيبلشمينٽ ڪو ٻيو رستو ڪڍندي. نتيجي ۾ سڀني سياسي پارٽين کي نئين نظام مان خطرو محسوس ٿيندو ۽ اهي مزاحمت ڪنديون. ان مزاحمت کي ڪيئن منهن ڏنو ويندو، اهو ايندڙ وقت ٻڌائيندو.ٻئي پاسي نون ليگ ۽ پيپلز پارٽي جي وچ ۾ به ڇڪتاڻ وڌندي نظر اچي رهي آهي. ڪراچي جي سينئر صحافي ارباب چانڊيو جي رپورٽ موجب صدر آصف علي زرداري گذريل 15 ڏينهن کان ڪراچي ۾ آهي ۽ اسلام آباد ناهي ويو. اهو نون ليگ کي منهن ڏيڻ لاءِ حڪمت عملي ٺاهي رهيو آهي پيپلز پارٽي ۽ نون ليگ ٻنهي لاءِ وڏو خطرو عمران خان آهي. جيڪڏهن عمران خان لاءِ ڪا نرمي پيدا ٿئي ٿي ته اها نون ليگ لاءِ وڏو خطرو هوندي. تنهن ڪري اهي اختلاف بظاهر هڪ ٿڌي جنگ (سرد جنگ) وانگر جاري رهندا.جڏهن ته مولانا فضل الرحمان ۽ ايم ڪيو ايم ايندڙ ڏينهن ۾ ڪو رول ادا ڪري سگهن ٿا.
