لاس اينجلس (ويب ڊيسڪ) هالي ووڊ جي ليجنڊ اداڪار وِل سمٿ چيو آهي ته جيڪڏهن دنيا جون سڀ شيون توهان وٽ هجن ، تڏهن به توهان خوش نٿا ٿي سگهو، ڇاڪاڻ ته خوشيءَ جو واسطو ظاهري شين سان نه پر اندروني معاملي سان آهي.
هڪ تازي پوڊ ڪاسٽ دوران وِل سمٿ چيو ته گوگل جي فهرست ۾ ڄاڻايل سندس 35 ڪروڙ ڊالرن جي دولت ڪا به معنيٰ نٿي رکي، ڇاڪاڻ ته جيڪڏهن توهان دنيا جي هر شيءِ خريد ڪري وٺو ته به اها توهان کي خوش نٿي ڪري سگهي.
جڏهن ميزبان کانئس پڇيو ته ”هڪ تڪڙي گوگل سرچ موجب توهان جي ڪل ملڪيت 35 ڪروڙ ڊالر آهي، ڇا هي انگ اکر سچا ۾ درست آهن؟“ ته ان تي اداڪار چيو ته هو اهڙين ڳالهين تي بحث نٿو ڪرڻ چاهي، ڇاڪاڻ ته توهان کي احساس ٿئي ٿو ته اهي شيون توهان کي خوش نٿيون ڪري سگهن.
اداڪار جو چوڻ هو ته ”هڪ ڀيرو جڏهن توهان پنهنجي پسند جي هر شيءِ خريد ڪري وٺو ٿا ۽ حقيقت ڌرتي تي ڪا به اهڙي شيءِ نٿي بچي جنهن کي توهان نه خريد ڪيو هجي، ته توهان کي احساس ٿئي ٿو ته ڪا به شيءِ توهان کي مطمئن نٿي ڪري سگهي.
هن چيو ته ” هي کاري پاڻي پيئڻ جهڙو آهي، توهان جيترو وڌيڪ پيئندا، اوترو وڌيڪ اُڃارا رهندئو.“
وِل سمٿ وڌيڪ چيو ته اهو حقيقت ۾ ڀوائتو ٿي سگهي ٿو جڏهن توهان کي اهو احساس ٿئي ته ڪو به رشتو، ڪي به پئسا يا ڪا به مادي شيءِ توهان کي خوش نٿي ڪري سگهي، ڇاڪاڻ ته خوشي هڪ غير مادي شيءِ آهي جنهن جو تعلق توهان جي روح سان آهي.
