ڪوئيٽا(ويب ڊيسڪ)موسميات کاتي بلوچستان جي وچ وارن ضلعن ۾ شديد گرمي ۽ ڪجهه علائقن ۾ برسات جي اڳڪٿي ڪئي آهي.
موسميات کاتي موجب ڪوئيٽا ۽ ان جي آس پاس وارن علائقن ۾ آسمان صاف ۽ موسم خشڪ رهڻ جو امڪان آهي.
کاتي جو چوڻ آهي ته بلوچستان جي اڪثر ضلعن ۾ موسم گرم ۽ خشڪ، جڏهن ته وچ وارن ضلعن ۾ انتهائي شديد گرمي ٿي سگهي ٿي. صوبي جي سامونڊي علائقن ۾ اڄ آسمان جزوي طور ڪڪرن سان ڍڪيل رهڻ جو امڪان آهي.
موسميات کاتي موجب بلوچستان جي علائقن شيراني، موسيٰ خيل، ڪوھلو، بارخان ۽ خضدار ۾ اڄ ڪجهه هنڌن تي برسات جو امڪان آهي.
موسميات کاتي وڌيڪ ٻڌايو ته سبي ۾ گذريل ڏينهن وڌ ۾ وڌ گرمي پد 47 ڊگري سينٽي گريڊ رڪارڊ ڪيو ويو.
