بالي ووڊ اداڪارا روينا ٽنڊن 22 سال کان پوءِ اداڪار اڪشي ڪمار سان گڏ وڏي پردي تي نظر ايندي.
ڀارتي ميڊيا موجب روينا ٽنڊن ۽ اڪشي ڪمار 22 سالن کان پوءِ ٻيهر فلم ”ويلڪم ٽو دي جنگل“ ۾ گڏ نظر ايندا، جڏهن ته هنن کي آخري ڀيرو 2004 ۾ فلم “پوليس فورس: اين انسائيڊ اسٽوري” ۾ گڏ ڏٺو ويو هو.
ان حوالي سان اداڪارا ڀارتي ميڊيا کي ڏنل انٽرويو ۾ چيو ته اداڪار سنييل شيٽي، اڪشي ڪمار ۽ ڊائريڪٽر احمد خان سان ٻيهر ڪم ڪري تمام سٺو لڳو.
هن چيو ته اسان سڀ پراڻا دوست آهيون ۽ هڪ ٻئي کي گهڻي وقت کان سڃاڻون ٿا، فلم ۾ موجود سينيئر اداڪارا فريدهه منهنجي ڪيترين فلمن جهڙوڪ ”ضدي“ ۾ منهنجي ماءُ جو ڪردار به ادا ڪيو آهي.
اداڪار اڪشي ڪمار جي ڪيريئر بابت ڳالهائيندي روينا ٽنڊن چيو ته مان چئي سگهان ٿي ته اڪشي هڪ بهترين ۽ شاندار اداڪار هئا، آهن ۽ هميشه رهندا. هو پنهنجي ڪم ۾ پورو لڳي ويندو آهي ۽ شايد وقت سان گڏ ان ۾ وڌيڪ بهتري آئي آهي. اسان انڊسٽري ۾ گڏ آيا هئاسين، نوان هئاسين ۽ ڪم سکندا هئاسين، پر هاڻي اڪشي پنهنجي فن ۾ مڪمل مهارت حاصل ڪري چڪو آهي.
واضح رهي ته اڪشي ڪمار ۽ روينا ٽنڊن گڏ ڪيترين ئي يادگار فلمن ۾ ڪم ڪيو آهي، جن ۾ ”موهرا“، ”مين کھلاڙي تو اناڙي“، “کلاڙيون ڪا کلاڙي“، ”بارود“، ”قيمت“ ۽ ٻيون فلمون شامل آهن.
