تل ابيب (ويب ڊيسڪ)اسرائيلي فوج دعويٰ ڪئي آهي ته هن اتر غزه ۾ هڪ حملي دوران حماس جي عسڪري سربراهه محمد عوده کي شهيد ڪري ڇڏيو آهي.
اسرائيلي فوج جي جاري ڪيل بيان موجب محمد عوده کي غزه سٽي ۾ هڪ ٽارگيٽڊ ڪارروائي دوران نشانو بڻايو ويو، جڏهن ته حماس اڃا تائين هن دعويٰ جي باضابطه تصديق يا ترديد نه ڪئي آهي.
خبر ايجنسي موجب، ويجهي مائٽ محمد عوده، سندس زال ۽ پٽ جي شهادت جي تصديق ڪئي آهي.
هي خبر سڀ کان پهرين اسرائيلي ميڊيا رپورٽ ڪئي هئي، جنهن کان پوءِ اسرائيلي فوج جو سرڪاري بيان سامهون آيو.
محمد عوده کي مئي ۾ حماس جي عسڪري ونگ جو ڪمانڊر مقرر ڪيو ويو هو، هن عزالدين الحداد جي جاءِ سنڀالي هئي، جيڪو اڳ ۾ اسرائيلي حملي ۾ مارجي ويو هو.
