اسرائيلي فوج جي انگن اکرن موجب فوجي سروس ڇڏڻ وارن اهلڪارن جو انگ وڌي ويو ۽ 80 سيڪڙو اهلڪار ذهني دٻاءُ ۽ نفسياتي مسئلن سبب فوج ڇڏي ويا.
پرڏيهي خابرو اداري جي رپورٽ موجب اسرائيلي فوجي اختيارين ٻڌايو آهي ته 7 آڪٽوبر کانپوءِ مستقل ۽ ريزروو فوجين تي پوڻ وارو وزن وڌي رهيو آهي، جيئن ڪو حقيقي حل نه ڪڍيو ويو ته مستقبل ۾ جنگي ۽ عام سيڪيورٽي جون ضرورتون پوريون ڪرڻ ۾ ڏکيائي ٿيندي.
رپورٽ موجب جنگ کان اڳ ريزروو فوجين کي سال ۾ رڳو 25 ڏينهن ڪم ڪرڻو پوندو هو پر 7 آڪٽوبر 2025 کانپوءِ اهلڪار 170 ڏينهن ڪم ڪري رهيا آهن. اسرائيلي فوج 2026 ۾ ريزروو ڊيوٽي لاءِ 80 کان 100 جو هدف طئي ڪيو هو پر ڪجهه يونٽ ان کان وڌيڪ ڪم ڪري رهيا آهن جنهن جو هڪ ڪارڻ ته ايران ۽ لبنان بابت اضافي فوجي مشنز آهي.
رپورٽ موجب مسلسل جنگين ۾ هزارين فوجي زخمي ٿي چڪا آهن، جڏهن ته ٻين فوجي سروس ڇڏي ڏني آهي.اسرائيلي فوجي اختيارين جو چوڻ آهي ته ڪيترائي مهينا هلندڙ جهيڙي به ٿل ۽ ذهني دٻاءُ پيدا ڪيو آهي، جنگ جي شروعات کان هن وقت تائين مسلسل فوجين کي تقريبا بنا وقفي جي ڪم ڪرڻو پيو آهي ۽ کين آرام يا تربيت لاءِ به وقت نه پيو ملي.
اختيارين اعتراف ڪيو ته نظام فوجين کي مختصر آرام لاءِ به وقت ڏيڻ ۾ ناڪام ويو ۽ چتاءُ ڏنو ته مسلسل ٿڪ فوج جي تياري ۽ ڪارڪردگيءَ کي متاثر ڪندو.
پرڏيهي خابرو اداري موجب هن وقت اسرائيلي فوج ۾ 12 هزار لازمي فوجين جي کوٽ آهي، جن مان 6 کان 7 هزار تائين جنگي اهلڪار آهن.
