واشنگٽن (ويب ڊيسڪ)آمريڪي اخبار ”دي وال اسٽريٽ جرنل“ رپورٽ ڪيو آهي ته آمريڪا ۽ ايران وچ ۾ ڳالهيون ايندڙ هفتي اسلام آباد ۾ بحال ٿي سگهن ٿيون.
دي وال اسٽريٽ جرنل معاملي کان واقف ذريعن جي حوالي سان رپورٽ ڪيو آهي ته ٻئي ڌريون ٽياڪڙي ڪردار ادا ڪندڙن سان ملي ڪري هڪ صفحي تي ٻڌل 14 نقطن واري مفاهمتي يادداشت (ايم او يو) تيار ڪرڻ تي ڪم ڪري رهيون آهن، جنهن ۾ هڪ مهيني تائين هلندڙ ڳالهين جو فريم ورڪ طئي ڪيو ويندو، جنهن جو مقصد جنگ جي خاتمي لاءِ راهه هموار ڪرڻ آهي.
رپورٽ موجب، مسودي ۾ ايران جي جوهري پروگرام، آبناءِ هرمز ۾ ڇڪتاڻ گهٽائڻ ۽ ايران جي انتهائي افزوده يورينيم جا ذخيرا ڪنهن ٽئين ملڪ منتقل ڪرڻ جهڙن معاملن تي گفتگو شامل آهي.
ان کانسواءِ خبر ۾ اِهو به ڄاڻايو ويو آهي ته اهم مسئلا اڃا تائين حل طلب آهن.
