ابوظهبي (ويب ڊيسڪ) هيڪرز گڏيل عرب امارات جي فجيرا بندرگاهه خلاف سائبر آپريشن ڪري لکين ڳجها دستاويز چوري ڪري ورتا
پرڏيهي ميڊيا رپورٽن ۾ دعويٰ ڪئي آهي ته هيڪر گروپ ”حنظلا“ طرفان يو اي اي جي فجيرا بندرگاهه خلاف سائبر آپريشن ڪيو ويو، جنهن ۾ شپنگ، ماليات ۽ انفرااسٽرڪچر بابت 4 لک 30 هزار کان وڌيڪ ڳجها دستاويز چوري ڪيا ويا آهن.
هيڪرز جو چوڻ آهي ته انهن ڳجهن دستاويزن کي فجيرا تي ٽارگيٽڊ حملن ۾ سهڪار لاءِ استعمال ڪيو ويندو.
هيڪر گروپ وڌيڪ چيو ته يو اي اي، آمريڪا ۽ اسرائيل جي وچ ۾ سهڪار اسان جي نگراني ۾ آهي ۽ ان جا سنگين نتيجا نڪرندا.
