اسلام آباد(ويب ڊيسڪ) وزيراعظم شهباز شريف آمريڪا جي نائب صدر جي ڊي وينس سان ملاقات ڪئي آهي.
ملاقات ۾ آمريڪي نائب صدر سان گڏ صدر ٽرمپ جو وچ اوڀر لاءِ خاص نمائندو اسٽيو وٽڪوف ۽ آمريڪي صدر جو ناٺي جيرڊ ڪشنر به موجود هئا، جڏهن ته وزيراعظم شهباز شريف سان گڏ نائب وزيراعظم ۽ پرڏيهي وزير سينيٽر اسحاق ڊار ۽ گهرو وزير سينيٽر سيد محسن رضا نقوي شامل هئا.
وزيراعظم جي آفيس مان جاري ڪيل بيان موجب، ٻنهي وفدن جي تعميري انداز ۾ ڳالهه ٻولهه جي عزم کي ساراهيندي وزيراعظم اميد ظاهر ڪئي ته هي ڳالهيون خطي ۾ جٽادار امن ڏانهن هڪ سنگ ميل ثابت ٿينديون.
وزيراعظم ان ڳالهه جو عزم ڪيو ته پاڪستان خطي ۾ پائيدار امن جي حاصلات لاءِ ٻنهي ڌرين جي اڳڀرائي ۾ پنهنجي سهولتڪاري جاري رکڻ جو خواهشمند آهي.
