ممبئي (ويب ڊيسڪ) بالي ووڊ جي ورسٽائل فنڪار نوازالدين صديقي هندي فلم انڊسٽري بابت هڪ واضح بيان ڏئي، هندي سئنما ۾ سچ ۽ ڪهاڻي بيان ڪرڻ واري انداز تي نئون بحث ڇيڙي ڇڏيو آهي.
پرڏيهي خابرو اداري جي رپورٽ موجب، مقامي ٽي وي پروگرام دوران ڳالهائيندي نوازالدين صديقي موجودا دور ۾ ٺهندڙ فلمن کي جعلي قرار ڏيندي سخت تنقيد ڪئي.
هن چيو ته ڪوڙيون فلمون هندي سئنما جو رخ طئي ڪري رهيون آهن ۽ اڄوڪي دور ۾ ٺهندڙ فلمن سبب ڏسندڙ اهڙين ڪهاڻين پٺيان لڪل سچ صحيح نموني ڄاڻڻ کان لاچار بڻيل آهن.
هن وڌيڪ چيو ته سماج کي غلط رخ ڏانهن وٺي وڃڻ جي ضرورت ناهي، سچائي تمام اهم آهي ۽ اڄ هر ماڻهو سَچُ ڄاڻي ٿو، جيڪي فلمون ٺهي رهيون آهن انهن جي پٺيان حقيقت توهان ڄاڻو ٿا پر توهان ان بابت ڳالهائڻ کان ڪيٻايو ٿا.
