ممبئي (ويب ڊيسڪ) هالي ووڊ ۾ پاڻ مڃائيندڙ من موهڻي اداڪارا پريانڪا چوپڙا ڊگهي عرصي کانپوءِ نيٺ بالي ووڊ ڇڏڻ جو ڪارڻ ٻڌائي ڇڏيو.
پرڏيهي ميڊيا رپورٽن موجب، پريانڪا چوپڙا هڪ انٽرويو ۾ انڪشاف ڪيو ته هوءَ ڪڏهن به بالي ووڊ ڇڏڻ نه پئي چاهي، پر کيس دٻاءَ هيٺ اهو قدم کڻڻو پيو.
اداڪارا واضح لفظن ۾ چيو ته هن ڪڏهن به ڀارتي فلم انڊسٽري کي ڇڏڻ جو ارادو نه ڪيو هو، پر وڌيڪ مختلف ۽ دلچسپ موقعا ڳولڻ لاءِ کيس ٻاهر وڃڻو پيو.
انٽرويو دوران پريانڪا چوپڙا جي بالي ووڊ کان هالي ووڊ ۽ ٻين شعبن ڏانهن منتقلي بابت تفصيلي ڳالهه ٻولهه ڪئي وئي.
هن وضاحت ڪئي ته اها تبديلي ڪيئن ۽ ڇو آئي ۽ اهو فيصلو انهن موقعن جي بنياد تي ڪيو ويو جيڪي کيس ڀارت ۾ دستياب هئا.
ياد رهي ته ڀارتي فلم انڊسٽري ۾ ڪيئي ورهيه ڪم ڪرڻ کانپوءِ، پريانڪا چوپڙا ملڪ کان ٻاهر ڪم ڪرڻ شروع ڪيو ۽ هالي ووڊ ۾ ڪيئي پروجيڪٽ ڪيا.
اداڪارا چيو ته ”مان ڪڏهن به بالي ووڊ ڇڏڻ نه پئي چاهيو، پر ڪيترن سببن جي ڪري مون کي هندي فلمون محدود محسوس ٿينديون هيون ۽ مون تي دٻاءُ وڌو پئي ويو، جنهن کانپوءِ مان اهڙا موقعا ڳولي رهي هيس جيڪي هڪ فنڪار طور مون لاءِ وڌيڪ دلچسپ هجن ۽ نيٺ مان آمريڪا ۾ ڪم ڪرڻ لڳيس.
هن وقت اداڪارا ڀارت ۾ فلمساز راجا مولي جي پروجيڪٽ جي شوٽنگ ۾ رڌل آهي، جڏهن ته ٻئي پاسي پنهنجي تازي فلم ”دي بلف“ کي نيويارڪ ۾ پروموٽ ڪري رهي آهي.
ميڊيا رپورٽن موجب، 43 ورهين جي اداڪارا چيو ته هوءَ ان ڳالهه تي خوش آهي ته کيس چونڊ ڪرڻ جي آزادي حاصل آهي ۽ هوءَ پنهنجي ملڪ واپس اچي ڪم ڪرڻ مان لطف اندوز ٿئي ٿي.
هن وڌيڪ چيو ته مان واقعي خوش آهيان ته ٻيهر ڀارت ۽ وارانسي ۾ ڪم ڪري رهي آهيان، مان نه چاهينديس ته مون کي ٻنهي جي وچ ۾ چونڊ ڪرڻي پوي، ڇاڪاڻ ته مون کي ٻنهي انڊسٽريز ۾ ڪم ڪرڻ سٺو لڳي ٿو، اهي ڪيترن حوالن سان مختلف آهن، بلڪل جيئن ثقافتون مختلف هونديون آهن.
