ڪراچي (رپورٽر) وڏي وزير مراد علي شاهه چيو آهي ته ڪوئلي مان يوريا ٺاهڻ جو منصوبو ٿر ۽ پاڪستان لاءِ گيم چينجر ثابت ٿيندو.ڪوئلي مان يوريا ڀاڻ جي تياري واري منصوبي بابت فوجي فرٽيلائزر ڪمپني ۽ سنڌ حڪومت وچ ۾ گڏجاڻي ٿي. ملاقات ۾ ايف ايف سي جو سي اي او جهانگير پراجا ۽ ٻيا عملدار شريڪ ٿيا. عملدارن وڏي وزير کي بريفنگ ڏني. اجلاس کي خطاب ڪندي وڏي وزير چيو ته ڪوئلي مان يوريا ڀاڻ تيار ڪرڻ سان يوريا جو اگهه گهٽجندو ۽ زرعي شعبي کي فائدو ٿيندو. هي منصوبو سنڌ جي معيشت لاءِ اهميت جوڳو آهي. منصوبي سان 3500 کان وڌيڪ سڌي ريت ۽ 7000 کان وڌي اڻ سڌا روزگار جا موقعا پيدا ٿيندا. يوريا جي درآمد ۾ گهٽتائي ايندي ۽ امڪاني طور تي 260 ملين ڊالر تائين برآمد سان قومي خزاني کي فائدو ٿيندو. سنڌ حڪومت کي ساليانو تقريبن 5.5 ملين ڊالر تائين رائلٽي ملڻ جو امڪان آهي.
