اسلام آباد(بيورو رپورٽ) آءِ ايم ايف جو وفد جولاءِ-ڊسمبر 2025 دوران معاشي ڪارڪردگي ۽ مقرر ڪيل هدفن ۾ پيش رفت جو جائزو وٺندو.پاڪستان ۽ بين الاقوامي مالياتي فنڊ (آءِ ايم ايف) جي وچ ۾ ٽئين معاشي جائزي تي ڳالهيون هن مهيني جي آخري ڏهي ۾ شروع ٿينديون، جنهن لاءِ آءِ ايم ايف جو جائزو مشن 25 فيبروري تي پاڪستان جو دورو ڪندو. ذريعن موجب، آءِ ايم ايف جو وفد جولاءِ-ڊسمبر 2025 دوران معاشي ڪارڪردگي ۽ مقرر ڪيل هدفن ۾ پيش رفت جو جائزو وٺندو. مشن کي ٽيڪس سڌارن، توانائي جي شعبي، مالي پاليسي ۽ پرڏيهي مٽاسٽا جي ذخيرن تي تفصيلي بريفنگ ڏني ويندي. ناڻي وزارت جي ذريعن جو چوڻ آهي ته بنيادي بجيٽ سرپلس، صوبائي ڪيش سرپلس ۽ صوبائي ٽيڪس جا هدف پورا ڪيا ويا، جڏهن ته جولاءِ-ڊسمبر 2025 لاءِ ٽيڪس جو هدف پورو نه ٿي سگهيو، جنهن جي ڪري 329 ارب رپين جو خسارو رهيو.ذريعن جو چوڻ آهي ته فيڊرل بورڊ آف روينيو (ايف بي آر) 6 مهينن دوران 6,161 ارب رپيا ٽيڪس گڏ ڪيا، پاڪستان کي 2027 تائين مختلف ڇهن مهينن جي جائزي ۾ 3.7 ارب ڊالر وڌيڪ ملندا، تاجر دوست اسڪيم مان ٽيڪس گڏ ڪرڻ ۽ پرچون فروش به هدف کان گهٽ رهيا، صوبن 6 مهينن دوران 1,179 ارب رپين جو ڪيش سرپلس ڏنو ۽ صوبائي حڪومتن جولاءِ کان ڊسمبر تائين 568 ارب رپين کان وڌيڪ ٽيڪس گڏ ڪيا. ڳالهين جي ڪاميابي تي ايگزيڪيوٽو بورڊ جي منظوري سان پي آءِ اي سميت نجڪاري پروگرام ۾ پيش رفت بابت آءِ ايم ايف کي آگاهه ڪيو ويندو،
