لاهور (ويب ڊيسڪ) پاڪستان سُپر ليگ ( پي ايس ايل )جي فرنچائز پشاور زلمي اوٽس گبسن هيڊ ڪوچ مقرر ڪري ڇڏيو آهي، جڏهنته اڳوڻي ٽيسٽ ڪرڪيٽر اظهر محمود کي اسسٽنٽ ۽ بالنگ ڪوچ طور ذميواريون سونپيون ويون آهن.
هڪ بيان ۾ پشاور زلمي جي چيئرمين جاويد آفريدي چيو ته اوٽس گبسن جو تجربو ٽيم لاءِ انتهائي اهم ثابت ٿيندو.
اوٽس گبسن ان کان اڳ ويسٽ انڊيز ۽ ڏکڻ آفريڪا جي قومي ٽيمن جي ڪوچنگ ڪري چڪو آهي.
ان کانسواءِ هو انگلش ڪائونٽي يارڪشائر، بي پي ايل، دي هنڊريڊ ۽ ٻين ليگز ۾ به خدمتون انجام ڏئي چڪو آهي.
