ڪراچي(رپورٽر)سنڌ هاءِ ڪورٽ بار ايسوسيئيشن جي چونڊن ۾ عامر نواز وڙائچ جي حمايت ڪيل حسيب جمالي صدر ۽ فريده مڱريو جنرل سيڪريٽري چونڊجي ويا، بئرسٽر سرفراز ميتلو کي شڪست اچي وئي، غيرحتمي نتيجن موجب حسيب جمالي 2 هزار 679 ووٽ کڻي ڪاميابي حاصل ڪئي، بئريسٽر سرفراز ميتلو کي 2 هزار 604 ووٽ مليا، رڳو 75 ووٽ گهٽ مليا ٻنهي اميدوارن وچ ۾ سخت مقابلو ٿيو، ٽئين نمبر تي عبدالوهاب بلوچ رڳو 44 ووٽ کڻي سگهيو. جنرل سيڪريٽري فريده مڱريو 2582 ووٽ کڻي کٽي وئي، عمران مٺياڻي 1463 ٻيو نمبر ۽ مرزا سرفراز 1257 ٽيو نمبر تي ووٽ کنيا، نائب صدر جي عهدي تي طارق علي جسڪاڻي 1497 کٽي ويو، محمد طاهر 1483 ٻيو نمبر آيو، خزانچي لاءِ نعمت الله خان 3 هزار 66 ووٽ کڻي ڪامياب، ايڊيشنل جوائنٽ سيڪريٽري جي سيٽ تي روپ مالا سنگھه 2 هزار 4 سو 26 ووٽ کڻي ڪامياب ٿي وئي، جوائنٽ سيڪريٽري تي آر بي قريشي 2 هزار 4 سو 26 ووٽ کڻي ڪاميابي ماڻي.
