لاهور (م ڊ) پنجاب جي سڌ سماءَ واري وزير عظميٰ بخاري چيو آهي ته خيبر پختونخوا جو عوام جن مشڪلاتن کي منهن ڏئي رهيو آهي، انهن سان ڪي پي جي وڏي وزير سهيل آفريدي جو ڪو به واسطو ناهي، پنجاب اسيمبلي ۾ ميڊيا سان ڳالهيون ڪندي عظميٰ بخاري چيو ته پيپلزپارٽي اسان جي اتحادي آهي، جتي به ضرورت پوندي، انهن کي گڏ کڻي هلنداسين، خيبر پختونخوا جي عوام جي تڪليفن سان وزيراعليٰ سهيل آفريدي جو ڪو به لاڳاپو ناهي، صوبائي وزير وڌيڪ چيو ته اڊياله مان جڏهن به ڪا ڀلي خبر نٿي اچي، جڏهن به اچي ٿي ته ملڪ خلاف ئي اچي ٿي، پي ٽي آءِ سان گڏ جماعت اسلامي به حڪومت خلاف جيڪي احتجاجي نمڪ ڇٽڻا آهن، شوق سان ڇٽن، ڀارت پنهنجي ڪريل رافيل بابت وضاحت ڏئي نه سگهيو آهي، پاڪستان جي بهترين پرڏيهي پاليسي سبب ڀارت آڪسفورڊ مان ڀڄڻ تي مجبور ٿيو، ڀارت پاڪستان خلاف پراڪسي وار ڪري رهيو آهي، ان کي بي نقاب ڪندا رهنداسين.
