پشاور(م ڊ) عوامي نيشنل پارٽي 28 هين ترميم جي مشروط حمايت ڪندي وفاقي حڪومت ڏانهن مطالبا موڪلي ڇڏيا آهن. اي اين پي جي ڏنل تجويزن موجب، آبي بجلي پيدا ڪندڙ صوبي تي وفاقي ٽيڪس ختم ڪيو وڃي ۽ انهن صوبي ۾ گهريلو صارفين لاءِ 10 روپيه في يونٽ تائين اگهه مقرر ڪيو وڃي.تماڪ پوکڻ وارن کان سڀ ٽيڪس ختم ڪيو وڃي ۽ ڪچي تماڪ جو ٽيڪس مڪمل طور تي صوبي کي ڏنو وڃي. مستقل ۽ آئيني مڪاني حڪومتن جو قيام ڪيو وڃي، مڪاني چونڊن کي هر 4 سال بعد ڪرائڻ ۽ انتظاميا کي بلدياتي نظام ۾ مداخلت کان روڪڻ گهرجي. اي اين پي تجويز ڪئي آهي ته صوبي جو نالوخيبرپختونخوا کان تبديل ڪري پختونخوا رکيو وڃي ۽ آئيني دستاويزن ۾ پختونخوا نالو استعمال ڪيو وڃي .
