ڪراچي (رپورٽر) دنيا ميڊيا گروپ جي چيئرمين ميان عامر محمود چيو ته پاڪستان ۾ صوبن جو خاڪو تڪڙ ۾ تيار ڪيو  ويو، هاڻي ان ۾ وڌيڪ صوبا هجڻ اڻٽر آهن.  اميجن پاڪستان 2030 جي تقريب ۾ صحافين سان ڳالهائيندي ميان عامر محمود چيو ته پاڪستان هن وقت انصاف، تعليم ۽ صحت جي نظام ۾ پوئتي آهي. پاڪستان ۾ 33 صوبن جي گنجائش آهي، سپريم ڪورٽ کان سٽي ڪورٽ تائين عدالتي نظام واڌو بار سان دٻيل آهي. مئين عامر محمود چيو ته پاڪستان ۾ وچولي طبقي کي موقعو نه ٿو ملي، سياسي نظام ۾ خانداني سياست راڄ ڪري ٿي. پاڪستان ۾ نوان صوبا ٺاهڻ جي ڳالهه ايندي ته سوچن ۽ جذبن کي ڌار رکڻو پوندو. 3 ڊسمبر تي اسلام آباد ۾ ٿيندڙ قومي ڪنوينشن ۾ اميجن پاڪستان جو ويزن پيش ڪيو ويندو. هن وڌيڪ چيو ته پاڪستان ۾ نوان صوبا ٺاهڻ گهرجن، هر ڪنهن کي ان تي بحث ڪرڻ جو حق آهي، ڪراچي جا ماڻهو چاهين ٿا ته صوبو هجي، اندرونِ سنڌ جا ماڻهو چون ٿا ته اهو نه هجڻ گهرجي. جيڪڏهن ڪراچي صوبو بڻجي ويو ته دبئي هڪ وڏي طاقت وانگر هوندو، سياسي اشرافيا ڪڏهن به نه چاهيندي ته مقامي حڪومتي نظام ترقي ڪري يا اڳتي وڌي.

نون صوبن جي مهم هلائي پئي وڃي:عوامي تحريڪ

حيدرآباد (پ ر) عوامي تحريڪ جي مرڪزي صدر ايڊووڪيٽ وسند ٿري، مرڪزي جنرل سيڪريٽري ايڊووڪيٽ ساجد  حسين مهيسر، مرڪزي نائب صدر ستار رند، مرڪزي اڳواڻ لال جروار، ايڊووڪيٽ سرواڻ جتوئي ۽ ايڊووڪيٽ آصف کوسو پنهنجي گڏيل پريس بيان ۾ چيو آهي ته سرڪاري مشينري وسيلي نون صوبن جي مهم هلائي پئي وڃي، وفاقي سرڪار پيپلز پارٽي جي سھولتڪاري سان سنڌ جي وحدت تي وار ڪري رهي آهي، سنڌ کي ٽڪرا ٽڪرا ڪرڻ، اين ايف سي ايوارڊ ۾ صوبن جو حصو گهٽائڻ، نئون بلدياتي نظام مڙهڻ ۽ ٻين ملڪ دشمن منصوبن کي مڪمل ڪرڻ لاءِ 28هين ترميم آندي پئي وڃي. مخصوص ميڊيا جي ڪاروباري ميڊيا هائوسز وسيلي نون صوبن جي مهم کي زور وٺرايو پيو وڃي ۽ ان لاءِ خانگي يونيورسٽين کي استعمال ڪيو پيو وڃي. اڳواڻن وڌيڪ چيو ته ارڙهين ترميم جي واپسي جي مخالفت ڪنداسين وارو پيپلز پارٽي جو بيان ڍونگ ۽ فراڊ آهي،